XX. mendeko Euskararen Corpus estatistikoa

Testuingurua

LEIO ERTZEAN.

Ez dakit zelan, goiz argi baten
Agertu ziñan nire auzoan...
Leio azpiko karel zokoan
eder bai eder zendun emoten.

Euzkiak goitik zeuntzun ikutu
Ta zuk muin zuriz lernai biotza;
Ez dakit zelan, barren bikoitza
Zendun edegi zorten ta kimu.

Geroztik ortxe zaukadaz eder
Aize egoetan gora ta beera;
Argi-maitale, mindu gupera,
Illunde orduz poz-irria ler.

Leio ertzean gurutz besoak
So dagitzut nik goiz eta arrasti;
Soaren truke daustazuz josi
Maitezko ezten garrez eioak.

Ta gaur joranez zuri begituz,
Etzaitut maite?, esan daustazu;
Eskuz makur-az dautzut nik kimu,
Ezpan biekaz beterik mosuz!.

Mosuaren kar! Biotz-barnean
Biztu daustazu maitezko mina!
Ta arrezkeroan, geldo egina,
Soka naukazu leio ertzean.